Presidentja e vendit, Vjosa Osmani ka takuar ish-sekretarin e SHBA-së, John Kerry të cilin e ka informuar për zhvillimet më të fundit të sigurisë në Kosovë, duke theksuar rëndësinë e angazhimit të SHBA-së për paqen dhe stabilitetin e qëndrueshëm, përcjell KosovaPost.
“E takova ish sekretarin e SHBA-së John Kerry të cilin e informova për zhvillimet më të fundit të sigurisë në Kosovë, duke theksuar rëndësinë e lidershipit të SHBA për paqen dhe stabilitetin e qëndrueshëm”, ka shkruar Osmani.
Përmes një postimi në Twitter, Osmani ka shkruar se ka përshëndetur angazhimin e Kerry-it për klimën, duke shprehur gatishmërinë për të punuar së bashku për të trajtuar sfidat e përbashkëta.
Ndryshe, Osmani po merrë pjesë në Konferencën e Kombeve të Bashkuara për Ndryshimet Klimatike e vitit 2023 e quajtur më shpesh si COP28, është konferenca e 28-të e Kombeve të Bashkuara për Ndryshimet Klimatike, që po mbahet Dubai.
