Pagat në sektorin publik që paguhen nga buxheti i shtetit, sot janë ekzekutuar me rritje, përcjell KosovaPost.
Kështu ka bërë të ditur ministri i Financave, Hekuran Murati me anë të një postimi në Facebook.
“Ashtu siç e patëm prezantuar në tetor të vitit të kaluar bashkë me Kryeministrin Kurti, rritja e pagave do të bëhet për të gjithë duke e shtuar një njësi koeficienti, apo 110 euro shtesë. Rritja bëhet në dy faza, ku faza e parë me 55 euro rritje e pagës bruto fillon së aplikuari në muajin janar – pra sot”, shkroi ministri.
Ai tha se faza e dytë e rritjes me 55 euro tjera bëhet në muajin korrik, për ta kompletuar kështu rritjen prej 110 euro bruto për të gjithë pagëmarrësit e buxhetit.
