Mesfushori ferizajas, Ylber Ramadani ka reaguar pas eliminimit të Kombëtares së Shqipërisë nga Euro 2024, ndërsa ndihet krenar me paraqitjen e Kombëtares së Shqipërisë në evropian.
Ndërsa shprehet i nderuar që është shqiptar, Ramadani falënderon tifozët për mbështetjen e madhe, por mbi të gjitha falënderon Zotin.
“I lumtur që isha pjesë e Shqipërisë në këtë rrugëtim në finalet e “Gjermani 2024”. Tre ndeshje, tre finale me tre nga ekipet më të mira të Europës, dy prej të cilave janë shpallur edhe kampione Europe dhe Boteeron Zotin”, shprehet Ramadani.
Postimi i plotë:
Krenar që jam shqiptar!
I lumtur që isha pjesë e Shqipërisë në këtë rrugëtim në finalet e “Gjermani 2024”. Tre ndeshje, tre finale me tre nga ekipet më të mira të Europës, dy prej të cilave janë shpallur edhe kampione Europe dhe Bote. Luajtëm fort, si të barabartë me Italinë, Kroacinë dhe Spanjën, duke treguar karakter në çdo sfidë. Faleminderit çunave, faleminderit stafit teknik dhe të gjithë stafit drejtues që ka qenë pranë nesh.
Një falënderim të veçantë për tifozët që na kanë mbështetur në stadium, në çdo rrugë e shesh të Gjermanisë, si edhe çdo ditë në kampin tonë stërvitor.
Mbi të gjitha faleminderit Zotit!
