Ministri i Bujqësisë, Faton Peci sot ka vizituar Bujar e Nimon Berishën në Dobrushë të Istogut, përcjell KosovaPost.
Sipas ministrit, të dy janë përfitues përfitues të grantit në vlerë prej 61,196 euro për renovimin e depos për ruatjen e pemëve dhe perimeve me sipërfaqe prej 600 m².
“Ata janë kultivues të patates ku vetëm vitin e kaluar kanë kultivuar 13ha,ndërsa sipërfaqja e mbjellë me grurë ishte rreth 100ha. Pemishtja e ngritur me mollë me një sipërfaqe prej 6ha, Bujarit dhe Nimonit u ka dhënë një mesatare prej 70,000 kg/ha.”, ka shkruar Peci.
“Përpos hektarëve në pronësi, ata kanë mirëmbajtur dhe vjelur frytet edhe të 1.5 ha me mollë, pemishte kjo e marrë me qera.”, ka shtuar ai.
Ndër të tjera, Peci ka thënë se investimi në depo të ruajtjes së pemëve dhe perimeve plotëson zinxhirin e vlerës, i jep vlerë të shtuar produktit si dhe rritë jetëgjatësinë e tij.
