Sot, në orën 18.00 zhvillohet ndeshja miqësore në mes të KF Drita nga Gjilani dhe FC Aarau, nga Aarau, kryeqyteti i kantonit Aargau. Gazeta Aargauer Zeitung i kushton një artikull interesant dhe me tone mikpritjeje vizitës nga Kosova.
Për herë të parë në rreth 15 vjet, një ndeshje miqësore ndërkombëtare do të luhet para publikut në stadiumin Brügglifeld. Premton të jetë një festë shqiptare.
FC Aarau do të luajë një ndeshje miqësore kundër klubit të ligës së p arëtë Kosovës FC Drita të shtunën në orën 18:00. Ky klub është me seli në qytetin e Gjilanit (prej nga vjen edhe Xherdan Shaqiri) dhe është një nga klubet më të suksesshme nga Kosova në të kaluarën e afërt.
“Brügglifeld do të jetë arena e një ndeshjeje miqësore ndërkombëtare me një audiencë për herë të parë në rreth 15 vjet,” thonë në FCA. “Në atë kohë, fituesit në fuqi të Kupës UEFA, FK Shakhtar Donetsk, ishin mysafirë në Aarau, siç ishin VfL Wolfsburg (2008) dhe FK Rubin Kazan (2006).
FCA gjithashtu shkruan në faqen e saj: “Për shkak të komunitetit të madh të shqiptarëve të Kosovës në Zvicër, pritet kërkesa e madhe për bileta”. Takimi ndërkulturor në Brügglifeld do të shoqërohet gjithashtu nga një program i përshtatshëm mbështetës dhe specialitete kulinarie “për nder të mysafirëve tanë”, thuhet më tej.
Normalisht, lojërat miqësore nuk janë problematike përsa i përket sigurisë. Megjithatë, konflikti Serbi-Kosovë është përkeqësuar sërish muajt e fundit – dhe në Zvicër ka jo vetëm shumë kosovarë, por edhe shumë serbë, transmeton albinfo.ch. Megjithatë: Policia kantonale nuk e klasifikon takimin e së shtunës në mbrëmje si lojë me rrezik, siç thuhet në një përgjigje të saj për gazetën.
