Real Madrid është gati t’i japë Kylian Mbappe një tjetër shans, por Florentino Perez thuhet se ka një kusht të caktuar që lojtari duhet të plotësojë nëse dëshiron të transferohet në Madrid.
El Nacional raporton se presidenti i Real Madridit dëshiron që francezi ta detyrojë vetë lëvizjen dhe t’i thotë Paris Saint-Germain se ai po largohet. Perez ka folur tashmë me nënën e Mbappe, e cila dëshiron që djali i saj të shkojë në Santiago Bernabeu. Presidenti i shpjegoi asaj se si mund të zbatohet kjo, duke përfshirë edhe nënvizimin e këtij kushti.
Verën e kaluar, PSG arriti të mbante Mbappe kur u bë e qartë se ai dëshironte të largohej në Real Madrid si një transferim i lirë. Klubi parizian i ofroi kushte fantastike dhe përfundimisht e bindi lojtarin të nënshkruante një kontratë të re, e cila ishte jashtëzakonisht zhgënjyese për madrilenët.
