Ndërsa Presidenti i SHBA, Joe Biden njoftoi më herët se do të presë një takim të liderëve të G7 të dielën “për të bashkërenduar një përgjigje të bashkuar diplomatike ndaj sulmit të pacipë të Iranit”,të cilët njëzëri kanë dënuar aktin e Iranit duke e quajtur atë si sulm të paprecedentë, që rrezikon të destabilizojë gjithë rajonin.
Kryeministri i Mbretërisë së Bashkuar Rishi Sunak e ka dënuar sulmin e Iranit. Ai tha se sulmet “rrezikojnë të ndezin tensionet dhe të destabilizojnë rajonin”, duke shtuar se Irani “ka demonstruar se synon të mbjellë kaos në oborrin e tij”.
“Mbretëria e Bashkuara do të vazhdojë të mbrojë sigurinë e Izraelit dhe atë të të gjithë partnerëve tanë rajonalë, përfshirë Jordaninë dhe Irakun. Krahas aleatëve tanë, ne po punojmë urgjentisht për të stabilizuar situatën dhe për të parandaluar përshkallëzimin e mëtejshëm. Askush nuk dëshiron të shohë më shumë gjakderdhje”.
Kryeministri i Kandasë, Justin Trudeau ka thënë se vendi i tij “dënon pa mëdyshje sulmet ajrore të Iranit”, duke shtuar: “Ne qëndrojmë me Izraelin”.
“Pas mbështetjes së sulmit brutal të Hamasit të 7 tetorit, veprimet e fundit të regjimit iranian do të destabilizojnë më tej rajonin dhe do ta bëjnë paqen e qëndrueshme më të vështirë.”
Ministri i Jashtëm francez Stephane Sejourne ka thënë se Franca “dënon në termat më të ashpër sulmin e nisur nga Irani kundër Izraelit”.
“Duke vendosur për një veprim të tillë të paprecedentë, Irani po ndërmerr një hap të ri në veprimet e tij destabilizuese dhe po merr rrezikun e një përshkallëzimi ushtarak.”
Ambasadori gjerman në Izrael Steffen Seibert tha se vendi i tij është në krah të Izraelit, shkruan abcnews.al. Solidariteti i Gjermanisë është me të gjithë izraelitët sonte, të cilët Irani po terrorizon me këtë sulm të paprecedentë dhe të pamëshirshëm: hebrenjtë, si dhe arabët dhe të krishterët, beduinët në Negev si dhe druzët në Golan. Qofshin të gjithë të sigurt
