Tym i madh është parë duke dalë nga një pjesë në Zonën Industriale në Prishtinë, duke ngritur shqetësime në zonë.
Lidhur me rastin, komandanti i Brigadës së Zjarrfikësve të Prishtinës, Malë Gashi ka deklaruar se nga zjarri janë përfshirë vetëm disa mbeturina dhe sipas tij nuk raportohet për të lënduar.
“Nuk ka pasur diçka të madhe. Janë djegur disa mbeturina, nuk ka pasur të lënduar, asgjë. Ekipi ka qenë, ka intervenuar shpejtë e ka fikur zjarrin dhe është kthyer në bazë”, deklaroi Gashi.
