Kanë persona kanë humbur jetën dhe 9 të tjerë janë plagosur pas përplasjes së dy helikopterëve në Australi. Përplasja ka ndodhur rreth orës 14:00 pranë brezit të njohur turistik të Main Beach në Gold Coast, në jug të Brisbane.
“Këta dy helikopterë u rrëzuan në bregun e rërës në Sea World Resort”, u tha gazetarëve inspektori i policisë së Queensland, Gary Worrell, raporton CNN.
Ai shtoi se kishte qenë e vështirë për shërbimet e urgjencës të hynin në bregun e rërës, që ndodhet jo shumë larg bregut.
Trembëdhjetë persona ishin në dy helikopterë, sipas Jayney Shearman, nga Shërbimi i Ambulancës në Queensland (QAS). Prej tyre, katër persona vdiqën, tre pësuan lëndime të rënda dhe gjashtë kishin lëndime të lehta.
Të gjithë të plagosurit janë dërguar në spital, ndërsa po punohet për të zbardhur rrethanat e aksidentit ajror.
