Pesë muaj pas rikthimit të tij te FC Basel, Xherdan Shaqiri ka bërë një vlerësim të parë të eksperiencës së tij të dytë tek klubi i madh zviceran.
Në një intervistë për ‘blue Sport’, asi shqiptar thotë se rikthimi i tij tek Basel është shumë pozitiv.
“Jam shumë i lumtur që jam kthyer. Tani mund ta ndjek nga afër Superligën zvicerane dhe gjithashtu të luaj vetë”, tha 33-vjeçari.
Ai vlerësoi ligën aktuale si shumë interesante, dhe sipas tij, futbolli zviceran në përgjithësi ka bërë përparime.
“Disa klube janë në krye që ndoshta për një kohë të gjatë nuk ishin aty. Klube të tjera gjithashtu kanë bërë përparime. Kjo tregon një zhvillim shumë pozitiv të ligës”, shtoi ai.
Shaqiri i befasuar nga entuziazmi rreth kthimit të tij
Rikthimi i Shaqirit te FC Basel pas dymbëdhjetë vitesh solli entuziazëm të madh në Zvicër, gjë që ai nuk e kishte pritur.
“Që do të kishte një entuziazëm kaq të madhe, nuk e kam menduar. Por ky është futbolli. Ka shumë emocione të lidhura me të dhe jam shumë i lumtur që kjo i dha një shtysë ligës gjithashtu”, theksoi ai.
Parashikim i vështirë për titullin
Në lidhje me garën për titull, ku FC Basel aktualisht është në vendin e dytë, Shaqiri mbetet i kujdesshëm me parashikimet.
“Vitet e fundit ishte gjithmonë shumë të qarta – Basel, YB dhe një herë FCZ kanë fituar. Tani shohim edhe një FC Lugano që ka bërë përparime. Kjo do të jetë një luftë e madhe deri në fund”, ka përfunduar Shaqiri, i cili më parë ka bërë karrierë në disa klube të mëdha evropiane.rtk.
