Policia e Kosovës ka bërë të ditur se janë arrestuar gjashtë persona, të cilët dyshohen për kontrabandë me mallra.
Ndaj të dyshuarve K.Gj., 59-vjeçar, E.Gj., 31-vjeçar, M.Sh., 55-vjeçar, H.Sh., 29-vjeçar dhe E.I., 22-vjeçar janë iniciuar rastet “Kontrabanda me mallra”, “Prodhimi dhe vënia në qarkullim e artikujve të dëmshëm ushqimorë”, “Mashtrimi i blerësve” dhe “Mbajtja në pronësi, kontroll ose posedim i paautorizuar i armëve”.
Policia tha se në bashkëpunim me Doganën e Kosovës, inspektorët e tregut dhe AUVK-së, në pesë lokacione, dy në Graçanicë, një në Ferizaj, një në Prishtinë dhe një në Prevallë, kanë gjetur sasi të konsideruar të artikujve ushqimorë me përmbajtje të dyshimtë, të cilat janë sekuestruar më pas si prova materiale.
Gjithashtu, është bërë e ditur se në njërin nga lokacionet është gjetur një armë.
Me aktvendim të prokurorit, pesë nga gjashtë të arrestuarit janë dërguar në mbajtje për 48 orë. /teve1.info/
