Ish-kryetari i Komunës së Mitrovicës veriore, Milan Radojeviq, është intervistuar sot nga Policia e Kosovës në stacionin policor të rajonit të Veriut.
Kështu ka bërë të ditur për Arbresh.info zëvendësdrejtori i policisë për rajonin e veriut, Veton Elshani.
Radojeviq është një nga pesë menaxherët e thirrur në intervistë nga Policia e Kosovës pas mbylljes së institucioneve serbe në veri të Kosovës më 30 gusht, si pjesë e një operacioni më të gjerë për shkak të, siç deklaron policia, “falsifikimit të dokumenteve”.
