Policia e Kosovës ka dhënë detaje për rastin e gruas që u arrestua dje në Viti, për posedim të armës në mënyrë të kundërligjshme, përcjell Kosova Post.
Sipas Policisë, e njëjta ka pasur mosmarrëveshje në familje, ndërsa gjatë kontrollit i është gjetur një pistoletë me dy karikator e 36 copë fishekë, pronë e prindit të saj.
“Viti, Gjilan 31.05.2024 – 14:00. Është raportuar se e dyshuara femër kosovare, ka pasur një mosmarrëveshje në familje, e njëjta është takuar në rrugë nga policia dhe gjatë kontrollit në automjet i është gjetur dhe konfiskuar një pistoletë me dy karikatorë me 36 copë fishekë pronë e prindit të saj. Palët janë intervistuar dhe me vendim të prokurorit janë liruar në procedurë të rregullt”, thuhet në raportin 24 orësh të Policisë së Kosovës.
