Katër persona janë ndaluar në Leposaviq pasi që të njëjtit dyshohet se ilegalisht kanë kaluar kufirin Republika e Kosovës – Serbi dhe anasjelltas, përcjell Kosova Post.
Të njëjtit janë verifikuar por nuk kanë rezultuar si persona të kërkuar, ndërsa me urdhër të prokurorit rasti vazhdon në procedura të rregullta.
“Leposaviq / 12.06.2024 – 22:00. Policia gjatë patrullimit ka ndaluar një veturë me targa të Serbisë ku ishin katër të dyshuar meshkuj kosovarë të cilët dyshohet se ilegalisht kanë kaluar kufirin Republika e Kosovës – Serbi dhe anasjelltas. Të njëjtit janë verifikuar por nuk kanë rezultuar si persona të kërkuar. Me urdhër të prokurorit rasti vazhdon në procedurë të rregullt”, thuhet në raportin 24 orësh të Policisë së Kosovës.
