Arsenali “masakroi” me rezultatin 5-0 Chelsean në derbin e Londrës, një duel ky i prapambetur i vlefshëm për javën e 29-të të Premier Ligës.
Falë këtij triumfi skuadra e Artetës mori kryesimin e përkohshëm të kampionatit me 77 pikë në 34 ndeshje. “Topçinjtë” kanë 1 ndeshje më shumë se Liverpooli dhe 2 më shumë se Manchester City.
Për sa i përket duelit ndaj Chelseat, pjesa e parë u mbyll me rezultatin minimal 1-0 falë golit të Trosard, ndërkohë që në fragmentin e dytë të lojës Arsenali shënoi plot 4 herë të tjera, dopjetat personale të White dhe Havertz, i dhanë një “shuplakë” të fortë skuadrës së Pochetinos, që është stakuar në vendin e nëntë në renditje.s.n.
