Mohamed Salah po përjeton ndoshta formën më të mirë gjatë epokës së tij te Liverpooli.
Pas fitores së thellë ndaj West Ham-it, sulmuesi egjiptian deklaroi se do të bëjë gjithçka për të ndihmuar skuadrën që të fitojë titullin, por paralajmëroi se palët janë shumë larg në qëndrime për rinovimin e kontratës.
“Gjëja e vetme që kam në mendje është që dua që Liverpool të fitojë kampionatin dhe dua të jem pjesë e tij. Do të bëj gjithçka për skuadrën për të fituar trofeun.
Ka skuadra të tjera që po na arrijnë dhe ne duhet të mbetemi të përqendruar dhe të përulur dhe të vazhdojmë përpara. Unë thjesht mundohem të shijoj ndeshjen.
Në fund të ditës kam ardhur këtu për rezultat dhe dua të bëj diçka në ndeshje, por jam i etur për më shumë. Rinovim? Jo, jemi shumë larg nga kjo dhe nuk dua të jap asgjë për mediat.”
