Princi Harry ka ende “shpresa” që një ditë të jetë në gjendje të kthehet në familjen mbretërore, qoftë edhe me një rol të vogël, por përpara se të mendojë për një pajtim me vëllain e tij William dhe kunatën Kate Middleton, ai pret një “falje”.
Në maj, Duka i Sussex-it do të kthehet në Londër për Lojërat Invictus dhe sipas ekspertëve ai dhe gruaja e tij Meghan Markle mund ta përdorin këtë mundësi për të pasur një mundësi pajtimi.
A do të pajtohet Princi Harry me William në këtë moment delikat në të cilin ai po përballet me kancerin e Kate Middleton?
Eksperti mbretëror Tom Quinn tha ekskluzivisht për Mirror: Ai dëshiron të pajtohet me vëllain e tij në mënyrë që fëmijët të kenë një lloj marrëdhënieje, por ai dhe Meghan ende mendojnë se falja duhet të vijë nga William dhe Kate së pari”. Marrëdhëniet mes Dukës së Sussex-it dhe Princëve të Uellsit kanë qenë të tensionuara që kur Harry dhe Meghan u larguan nga familja mbretërore dhe aq më tepër pas publikimit të autobiografisë së tyre “Spare”. Quinn shtoi se Harry dëshiron që fëmijët e tij të jenë në gjendje të krijojnë marrëdhënie me kushërinjtë e tyre: Harry u ka folur miqve për trishtimin e tij që nuk ka një marrëdhënie më të ngushtë me nipërit e mbesat, por ajo që e shqetëson atë edhe më shumë është perspektiva që Lilibet dhe Archie nuk kanë asnjë lidhje me George, Charlotte dhe Louis.”
Mundësia për një shkrirje të akullit është afër, pasi Princi Harry do të kthehet në Mbretërinë e Bashkuar për Lojërat Invictus në maj. Dy vëllezërit mund të takohen sërish privatisht dhe të sqaronin keqkuptimet e tyre. Nuk dihet ende nëse Meghan Markle do të udhëtojë për në Londër. Dhe nëse çifti do të shfaqeshin së bashku, do të ishte mënyra perfekte për të rikthyer imazhin e tyre publik. Një burim tha për Express: Kjo ngjarje shihet si një pjesë shumë e rëndësishme e rehabilitimit të Harry-t dhe Meghan-it. Do të jetë një pikënisje e mirë për Sussex-ët që të përmirësojnë marrëdhëniet me familjen mbretërore dhe popullin britanik në të njëjtën kohë.”, shkruan balkanweb.As sëmundja e Kate Middleton nuk e ndryshoi mendjen e saj për Harry-n dhe Meghan-in
