Qeveria në Gaza dënon në termat më të ashpër politikat e Izraelit për shënjestrimin, vrasjen dhe ekzekutimin e qëllimshëm të gazetarëve.
Zyra për Media e qeverisë në Gaza publikoi një deklaratë me shkrim pasi një gazetar u dogj për vdekje në sulmin izraelit në tendën ku po qëndronin gazetarët në qytetin Khan Younis në jug të Rripit të Gazës.
“Ne dënojmë në termat më të ashpër politikat e Izraelit për shënjestrimin, vrasjen dhe ekzekutimin e qëllimshëm të gazetarëve”, thuhet në deklaratë.
Gjithashtu, iu bë thirrje Federatës Ndërkombëtare të Gazetarëve, Unionit të Gazetarëve Arabë dhe të gjitha organizatave mediatike në mbarë botën që t’i “dënojnë këto krime sistematike të Izraelit kundër gazetarëve palestinezë”.
Në deklaratë thuhet se ushtria izraelite vazhdon të synojë drejtpërdrejt dhe sistematikisht gazetarët palestinezë që shërbyen në rrezik të jetës së tyre për të informuar mbi masakrën në Rripin e Gazës në botë.
Në deklaratë thuhet gjithashtu se 1 gazetar u dogj për vdekje në sulmin e kryer nga ushtria izraelite në tendën ku po qëndronin gazetarët në qytetin Khan Younis në jug të Rripit të Gazës dhe numri i gazetarëve të vrarë që nga 7 tetori 2023 u rrit në 210.
Avionët ushtarakë izraelitë, bombarduan një tendë afër spitalit Nasser në qytetin Khan Younis ku qëndronin gazetarët, ku doli zjarr pas sulmit. Sipas njoftimeve të para thuhet se ka vdekur një gazetar dhe janë plagosur 9 gazetarë dhe 10 persona tjerë.
Ushtria izraelite me sulmet e saj në Gaza vazhdon t’i sulmojë shpesh edhe pjesëtarët e mediave, të cilët kanë imunitet sipas marrëveshjeve ndërkombëtare./AA
