Qindra izraelitë u mblodhën në Sheshin Habima në Tel Aviv për të protestuar kundër kryeministrit Benjamin Netanyahu, qeverisë izraelite, si dhe propizimit të qeverisë për reforma në sistemin gjyqësor, raporton Anadolu, transmeton KosovaPost.
Protestuesit mbanin pankarta dhe brohorisnin slogane kundër asaj që ata e përshkruajnë si përpjekje të qeverisë për të dobësuar pavarësinë e gjyqësorit dhe për të kufizuar kontrollin mbi pushtetin ekzekutiv.
Organizatorët thanë se reformat e propozuara rrezikojnë ekuilibrin demokratik të vendit.
Protesta në Tel Aviv është pjesë e një vale më të gjerë demonstratash në Izrael, ndërsa mijëra qytetarë në qytete të ndryshme po shprehin kundërshtimin ndaj politikave të qeverisë dhe po kërkojnë transparencë, llogaridhënie dhe reforma që të forcojnë demokracinë.
