Kryetari i Listës Serbe, Goran Rakiq, u ka bërë thirrje serbëve në veri që t’i bojkotojnë zgjedhjet të cilat janë duke u mbajtur në katër komunat me shumicë serbe në veri të Kosovës.
Përmes një postimi në Facebook, Rakiq ka shkruar se cilat janë “arsyet” që sipas tij të bojkotohen zgjedhjet.
“Për shkak të secilit serb të arrestuar padrejtësisht, për shkak të çdo gënjeshtre të thënë nga Kurti, për shkak të çdo plumbi të shtënë në fëmijët serbë, për shkak të reperkusionit të përditshëm që vuan populli serb, për shkak të keqtrajtimit të pandërprerë të serbëve nga njësitet speciale në veri, për shkak të frikës në mesin e serbëve, të cilën e ndjell politika e Kurtit, për shkak të secilit objekt të shenjtë serb të dëmtuar dhe çdo përmendore të rrënuar, për shkak të mosimplementimit të të gjitha marrëveshjeve të nënshkruara!!! Bojkot i zgjedhjeve jolegjitime dhe joligjore!!!”, ka shkruar Rakiqi në Facebook.
