Katalanasit dhuruan spektakël në stadiumin Olimpik të Barcelonës me një Raphinha të jashtëzakonshëm që realizoi tre nga katër golat e fitores 4-1. Vjen humbja e dytë radhazi për Bayernin, pas disfatës me Aston Villan.
Cfarë nisjeje e supersfidës së mbrëmjës! Pa u mbushur një minutë, ose më saktë pak çate pasi gjyqtari vërshëlleu për startin e takimit, Raphinha i shkëputet mbrojtjes dhe pasi shmang dhe Neuerin e çon topi në rrjetë.
Bayerni reagon si skuadër e madhe. Harry Kane e dërgon dy herë topin në rrjetë: nëse herën e parë sistemi VAR dalloi pozicion jashtë loje, në minutën e 18-të realizoi fluturimthi, duke mos i dhënë asnjë shans portierit Pena.
(Barcelona – Bayern 1-1, goli)
Mbrëmje e madhe në Stadiumin Olimpik të Barcelonës. Në minutën e 36-të, një gabim i Kim Min-Jae krijoi një situatë të favorshme për Lewandowskin, që e ka të lehtë për ta dërguar topin në rrjetë.
(Barcelona – Bayern 2-1, goli)
Tjetër mrekulli në këtë superndeshje. Në kohën shtesë të pjesës së parë Bayerni kapet gafil në kundërsulm, me Raphinhan që lëshon një ‘perlë’ që s’mund të arrihet nga Neuer.
(Barcelona – Bayern 3-1, goli)
Çfarë klasi nga Raphinha. Braziliani kontrollon në mënyrë perfekte një top të gjatë të Yamal dhe pasi avancon disa metra lëshon një diagonale të pakapshme për Neuer. Thjesht i mrekullueshëm! Prenoton topin për shtëpi.s.net.
