Ministri për Kthim dhe Komunitete, Nenad Rashiq, ka deklaruar se largimi i serbëve nga institucionet ka sjell shumë pasoja dhe ka lënë mangësi në institucione.
Në Qendrën Mediale në Çagllavicë ku është mbajtur debati me temën “Një vit pas largimit të serbëve nga institucionet e Kosovës – çfarë fituan dhe çfarë humbën”, Rashiq ka theksuar se me largimin e tyre kanë humbur profesionistët dhe tash po mungojnë nëpunësit e licencuar e kualifikuar.
“Ata që janë larguar nga institucionet, nuk është dashur që të largohen. Nuk e di a kanë mundësi që të kthehen serbët në veri të Kosovës. Kur ka ndodhur dhënia e dorëheqjeve numri i madhe i tyre është dashur të japin dorëheqje me shkrim. Së pari ne kemi humbur njerëzit dhe kohën, nuk kemi nëpunës të cilët janë të licencuar, duhet t’i kthemi vetvetes me aq sa kemi më atë të veprojmë”, ka theksuar Rashiq.
Ministri Rashiq ka folur edhe për mosbashkëpunimin me Listën Serbe.
“Kam bashkëpunuar me Listën Serbe, por është ndërtuar një mur, muri i Berlinit, kam qenë i vetmi për largimin e murit. Ne nuk kemi fituar asgjë por duhet t’i kthehemi vetës të kemi dhe forcën ta mbrojmë veten edhe serbët në veri”, ka thënë ai.
