Nga Mirsim Beqiri
Podujevë – Pas arrestimit të Fatmir Shehollit, i dyshuar për bashkëpunim me struktura ilegale në veri të Kosovës, kanë nisur edhe reagimet e para nga Qytetaret Llapian, përcjell Kosova Post.
Njëri nga zërat më të fuqishëm ka ardhur nga Mirsim Beqiri të cilët e kanë quajtur arrestimin e Shehollit “lajm shumë të mirë” dhe akt të drejtësisë ndaj kombit shqiptar.
“Sot mora një lajm shumë të mirë – arrestimin e shpihun-it, kolaboracionistit të përbetuar të kombit shqiptar, Fatmir Sheholli”, thuhet në reagim.
Qytetarët kanë kritikuar ashpër edhe mediat që ndër vite i kanë dhënë hapësirë Shehollit, duke e trajtuar si analist, pavarësisht deklaratave dhe qëndrimeve të tij të hapura kundër interesave të Kosovës.
> “Shumë herë kam reaguar publikisht, duke pyetur pse disa media vazhdonin t’i jepnin hapësirë këtij personi. Do të doja ta dija sot se si ndihen të gjithë ata gazetarë që e kanë ftuar në emisione, kur kalojnë para shtatores së Zahir Pajazitit apo dëshmorëve të tjerë”, thuhet më tej në deklaratë.
Në fund, qytetari llapjan bën thirrje publike ndaj institucioneve shtetërore, mediave dhe organizatave publike që figura të tilla si Sheholli të përjashtohen përfundimisht nga jeta publike.
> “Këto mbeturina të së kaluarës duhet të largohen njëherë e përgjithmonë nga jeta jonë publike. Kombi nuk ka nevojë për zëra që kanë punuar kundër tij.”
Arrestimi i Fatmir Shehollit vjen pak ditë pas zhvillimeve të fundit në veri dhe përforcimit të ligjit nga institucionet e sigurisë së Kosovës, në një valë të re veprimesh kundër strukturave ilegale dhe bashkëpunëtorëve të tyre.
