Performanca dhe talenti i jashtëzakonshëm i Jude Bellingham ka bërë që për mesfushorin anglez të klubet e mëdha të hidhen në sulm për të.
Për yllin e Dortmund ka interes të lartë nga Manchester City dhe Real Madrid, të cilët janë të gatshëm të luftojnë deri në fund për të fituar shërbimet e tij.
Sipas “Sky”, Real Madrid është shumë serioz kur bëhet fjalë për objektiva të rëndësishme në merkato, dhe tashmë thuhet se spanjollët janë gati të ofrojnë 100 milionë euro dhe kartonin e Eduardo Camavinga.
Kjo ofertë është jashtëzakonisht tunduese për çdo skuadër dhe Dortmund vështirë se mund të rezistojë. Mesfushori francez mund të përfshihet në këtë tratativë pasi Carlo Ancelotti nuk është totalisht i bindur prej tij. Topi është në fushën e Dortmund, por sipas të gjitha mundësive, nuk mund të ketë një tjetër klub të sfidojë ofertën e Real Madrid.
