Pasi rebelët në Siri përmbysën regjimin e presidentit Bashar al-Assad, ndryshime pati edhe në Federatën e Futbollit të Sirisë.
E inkurajuar nga rënia e regjimit, Federata e Futbollit të Sirisë vendosi të ndryshojë ngjyrën e fanellës dhe stemës së kombëtares, e cila nuk do të jetë më e kuqe.
Kujtojmë se rebelët sirianë pushtuan Damaskun të dielën dhe përmbysën qeverinë, dhe Assad iku në Rusi pas 15 vitesh luftë civile dhe gjashtë dekada sundimi autokratik nga familja e tij.
Menjëherë pas kësaj, Federata Siriane e Futbollit njoftoi se po ndryshonte ngjyrat e fanellave dhe stemës së ekipit kombëtar.
Futbollistët sirianë në të ardhmen do të mbajnë pajisje ngjyrë të gjelbër në vend të të kuqes, ndërsa ngjyra e gjelbër ka zëvendësuar ngjyrën e kuqe në stemën e kombëtares.
Përveç pamjes së re të publikuar të stemës, Kombëtarja e Sirisë ka publikuar edhe një foto të disa futbollistëve të saj me fanella të reja, ngjyrë të gjelbër.
