Ronaldo Nazario, aktualisht president dhe pronar i Real Valladolid, ka folur në “Charla Podcast” për arsyen se pse trajneri i Real Madridit, Carlo Ancelotti, nuk u bë trajner i Brazilit, pas thashethemeve që qarkullonin gjatë viteve të kaluara.
Këto janë fjalët e Fenomenit: “Bisedimet mes Ancelottit dhe Brazilit nuk ishin një fantazi, sepse unë vetë kontribuova duke biseduar me Carlo”, shpjegon ai. Pastaj vjen zbulimi: “Nëse ai nuk do të kishte fituar asgjë, Real Madrid do ta kishte shkarkuar dhe do të kishte shkuar të trajnonte Brazilin, por ai fitoi Ligën e Kampionëve dhe qëndroi për një vit tjetër. Atëherë nuk u lirua. Real Madrid nuk e la të largohej.”
Në Brazili, Ednaldo Rodrigues është konfirmuar si president i CBF (Konfederata Futbollistike e Brazilit). Ai është rizgjedhur me aklamacion dhe do të mbetet në krye të këtij entiteti deri në vitin 2030. Presidenti nuk kishte kundërkandidat në zgjedhje dhe u paraqit si kandidati i vetëm, duke marrë mbështetje të fuqishme nga klubet (20 të Serisë A dhe 20 të Serisë B) dhe nga 27 Federatat shtetërore. Kjo pas tërheqjes së Ronaldos për shkak të mungesës së mbështetjes, të njoftuar më 12 mars në profilin e tij në Instagram.
Gjithashtu, ndryshimi i fundit në Statutin e CBF-së do t’i mundësojë Ednaldo-s që të rikandidojë në fund të mandatit të tij të ardhshëm. Nëse fiton, ai do të qëndrojë në detyrë deri në mars 2034. Rodrigues ka qenë në pushtet që kur mori një mandat të përkohshëm në Konfederatë, pas largimit të presidentit të mëparshëm Rogério Caboclo, në vitin 2021. Më pas ai fitoi zgjedhjet e tij të para në mars 2022, me një mandat deri në mars 2026, dhe tani është rizgjedhur deri në vitin 2030.s.net.
