Agjencia e Punësimit e Republikës së Kosovës ka njoftuar se, nga ky vit, skema Kosovo Generation Unlimited, e zbatuar nga Qeveria e Kosovës në bashkëpunim me UNICEF dhe OEGJK, ka rritur subvencionin mujor për punësim nga 170€ në 300€, transmeton Kosova Post.
Në njoftimin zyrtar të rinjtë që janë të interesuar për përfitim nga praktikat në punë e subvencionuar ftohen të paraqiten në Zyrën e Punësimit më të afërt për informim dhe aplikim.
“Më shumë mbështetje për bizneset Më shumë motivim për punësimin e të rinjve. Më shumë ndikim real në tregun e punës. Të rinjtë e interesuar për përfitim nga praktika në punë e subvencionuar ftohen të paraqiten në Zyrën e Punësimit më të afërt për informim dhe aplikim”, thuhet tutje.
