Është “koha për t’i dhënë fund luftës” në Gaza, tha sot Sekretari amerikan i Shtetit Antony Blinken, transmeton Anadolu.
“Efekti ka qenë se nga 15 hapat për të cilët ne kërkuam veprim, Izraeli ka ndërmarrë veprime ose në zbatimin ose në të qenit në procesin e zbatimit të 12-ve nga 15 hapat”, tha Blinken, duke iu referuar letrës që ai dhe Sekretari i Mbrojtjes Llyod J. Austin u dërguan homologëve të tyre izraelitë një muaj më parë, duke i kërkuar Izraelit të ndërmarrë hapa për të trajtuar situatën e rëndë humanitare në Gaza.
Sipas Blinkenit, ka ende tri çështje kryesore që duhen adresuar nga Izraeli – lejimi i civilëve të kthehen në zonat nga ku janë zhvendosur për shkak të operacioneve izraelite; kthimi i veprimit të kamionëve komercialë; dhe zgjatja e pauzave në Gaza për ndihma humanitare për të arritur civilët në nevojë.
“Dhe përsëri, ato duhet të zbatohen plotësisht dhe duhet të ruhen”, shtoi ai.
“Edhe me gjithë këta hapa, situata është aq e vështirë dhe kaq dramatike sa për ta korrigjuar plotësisht atë, për t’iu përgjigjur plotësisht nevojave të njerëzve, mënyra më e mirë për ta bërë këtë është t’i jepet fund luftës”, tha Blinken.
Ai tha se Izraeli, “sipas standardeve që i vendosi vetes, ka përmbushur qëllimet që i vendosi vetes, (dhe) qëllimet strategjike që i vendosi vetes”, duke shtuar: “Kështu që kjo duhet të jetë një kohë për t’i dhënë fund luftës”.
Blinken tha se pengjet izraelite duhet të kthehen të sigurt në shtëpi dhe duhet të hartohet një plan i qartë që Izraeli të tërhiqet nga Gaza pa lejuar Hamasin të kthehet për të administruar enklavëm.
“Por për t’i dhënë fund luftës, për të cilën ne besojmë se tani është koha për të shkuar drejt kësaj, ne duhet t’i shohim këta hapa humanitarë të zbatuar plotësisht, të qëndrueshëm dhe siç thashë, veçanërisht në lidhje me pauzat, të kemi pauza më të gjera” tha ai.
