Sekretari i ri i Shtetit i SHBA-së, Marco Rubio, ka theksuar “nevojën për të vazhduar zbatimin” e armëpushimit Izrael-Hamas dhe marrëveshjes për lirimin e pengjeve në Gaza gjatë thirrjeve me liderët rajonal.
Raportet nga qeveria amerikane tregojnë se gjatë një telefonate me ministrin e jashtëm të Emirateve të Bashkuara Arabe, Abdullah bin Zayed, kryediplomati i Donald Trump “diskutoi marrëveshjen e armëpushimit në Gaza, lirimin e pengjeve dhe ndihmën humanitare për Gazën” dhe Rubio “përforcoi rëndësinë e kësaj marrëveshje për sigurinë dhe stabilitetin rajonal dhe nevojën për të vazhduar zbatimin”.
Rubio foli edhe me princin saudit të kurorës Mohammed bin Salman. Në vitin 2021, një raport i inteligjencës amerikane zbuloi se bin Salman miratoi vrasjen e gazetarit amerikan Jamal Khashoggi në Stamboll në vitin 2018, por administrata e Joe Biden refuzoi të ndërmerrte veprime të drejtpërdrejta kundër princit të kurorës, shkruan The Guardian, transmeton Gazeta Express.Në bisedën me bin Salmanin, Departamenti i Shtetit tha se Rubio “ka përcjellë se mezi priste të avanconte interesat e përbashkëta në Siri, Liban, Gaza dhe më gjerë” dhe “theksoi gjithashtu kërcënimet e paraqitura nga Irani dhe përfaqësuesit e tij”.
