Sekretari i Përgjithshëm i OKB-së, Antonio Guterres, tha të shtunën gjatë një vizite në Bejrut se kanalet diplomatike mbeten të hapura për t’i dhënë fund luftës midis Izraelit dhe Hezbollahut të mbështetur nga Irani dhe i kërkoi bashkësisë ndërkombëtare të mbështesë Libanin.
“Nuk ka zgjidhje ushtarake, vetëm diplomaci, dialog dhe zbatim të plotë të Kartës së OKB-së dhe rezolutave të Këshillit të Sigurimit. Rrugët diplomatike janë të disponueshme, duke përfshirë edhe përmes koordinatorit tim të posaçëm për Libanin… dhe përmes shteteve anëtare kryesore”, tha ai.
“Mesazhi im për bashkësinë ndërkombëtare është thjesht të rritni angazhimin tuaj, të fuqizoni shtetin libanez dhe të mbështesni Forcat e Armatosura Libaneze për të siguruar aftësitë dhe burimet që u nevojiten”, shtoi ai, transmeton Klankosova.tv
