Të paktën 281 persona janë plagosur nga një shpërthim i fuqishëm pranë Portit Bandar Abbas në bregdetin e Gjirit Persik në Iranin jugor.
Sipas një deklarate të Organizatës së Emergjencave të provincës Hormozgan, numri i personave të plagosur në shpërthimin në Portin e Shahid Rajaee pranë Bandar Abbasit, është rritur në 281.
Përpjekjet për të shuar zjarrin pas shpërthimit po vazhdojnë.
Mehrdad Hasanzade, Drejtor i Përgjithshëm i Menaxhimit të Krizave në Hormuzgan, deklaroi se kishin paralajmëruar më parë autoritetet për sigurinë në port.
Ende nuk dihen shkaqet e sakta të shpërthimit, por incidenti mendohet të ketë ndodhur kur kontejnerë me kimikate kanë shpërthyer në port.
Shpërthimi u raportua rreth orës 12:30 të mëngjesit sipas kohës lokale (2100GMT) të shtunën , transmeton Anadolu.Ende nuk ka informacion të saktë mbi të vdekur, por shpërthimi ka qenë aq intensiv sa për të shkaktuar dëme të mëdha, raportuan mediat lokale.
