Më shumë se 11 vite pas aksidentit të rëndë të Michael Schumacher në ski, gazetari gjerman Felix Gorner, i cili e ka ndjekur pilotin e Formula 1 gjatë gjithë karrierës së tij, e përshkroi situatën si shumë të trishtueshme” për shtatë herë kampionin e botës dhe familjarët e tij.
Lajmet janë të rralla dhe shumë të kontrolluara. Që nga dhjetori 2013 nga një aksident i rëndë me ski në resortin Meribel, Michael Schumacher, viktimë e një traume në kokë dhe një hemorragji cerebrale, nuk është parë në publik.
Këtë të mërkurë, Felix Gorner, gazetar i radiostacionit gjerman RTL, i cili ka ndjekur bëmat e “Schumit” dhe konsiderohet si një nga anëtarët më të afërt të familjes së tij, ka dhënë një përditësim për fansat e pilotit.
“Situata është shumë e trishtueshme. Ai ka nevojë për kujdes të vazhdueshëm dhe është tërësisht i varur nga kujdestarët e tij”, tha ai në transmetim, sipas komenteve të mbledhura nga shtypi britanik.
Sipas tij, Michael Schumacher “nuk mund të komunikojë më verbalisht”, duke konfirmuar thashethemet që datojnë disa vite më parë. Në vitin 2021, për shembull, djali i tij Mick Schumacher i foli atij për vështirësitë e tij në komunikim.
“Do të kishim shumë për të folur dhe do të ishte mirë nëse do të ishte kështu”, tha ai.
Vetëm 20 njerëz mund ta shohin
Gazetari përmendi edhe rrethin shumë të mbyllur të miqve të ngushtë që mund t’i afrohen legjendës, pasi familja e gjermanit është përpjekur gjithmonë ta mbrojë atë.
“Aktualisht, maksimumi 20 persona mund të kontaktojnë Michael. Dhe, për mendimin tim, kjo është strategjia e duhur. Sepse familja vepron në interesin më të mirë të Michael. Ata gjithmonë kanë mbrojtur rreptësisht privatësinë e tij dhe kjo nuk ka ndryshuar”, tregoi Felix Gorner.
Midis këtij grupi të vogël miqsh të ngushtë është Jean Todt, ish-drejtor i Ferrarit dhe ish-president i FIA-s. Në fillim të shkurtit, francezi tha se ai “shihte pilotin dhe familjen e tij rregullisht dhe me dashuri”, shkruan oranews.al.”Lidhja jonë shkon përtej punës së kaluar. Është pjesë e jetës sime, e cila tani është shumë larg nga Formula 1″, tha Todt.
