Në ditët e fundit është vërejtur një përshkallëzim shqetësues i gjuhës së urrejtjes dhe i kërcënimeve me bazë etnike e fetare në Mal të Zi, përcjell Kosova Post.
Sipas raportimeve të ndryshme, grupe radikale serbo-malazeze po shpërndajnë mesazhe kërcënuese dhe nxitëse ndaj qytetarëve shqiptarë, turq dhe boshnjakë – gjë që dëmton rëndë klimën e bashkëjetesës dhe paqes shoqërore në vend.
Të tilla sjellje janë të papranueshme në një shoqëri demokratike dhe duhet të marrin përgjigjen e duhur nga institucionet kompetente. Autoritetet ligjzbatuese dhe organet e drejtësisë kanë detyrimin të hetojnë dhe ndëshkojnë çdo akt që nxit urrejtje, diskriminim apo dhunë ndërmjet komuniteteve.
