Lidhja Demokratike e Kosovës (LDK) po shqyrton seriozisht mundësinë që për pozitën e presidentit të vendit të propozojë sërish emrin e Vjosa Osmani, në një zhvillim që pritet të ndikojë ndjeshëm në skenën politike të vendit.
Burime brenda kësaj partie bëjnë të ditur se diskutimet janë duke u zhvilluar në nivelet më të larta të strukturave partiake, ku po analizohet situata aktuale politike dhe mundësitë për arritjen e një konsensusi më të gjerë për zgjedhjen e presidentit. Sipas këtyre burimeve, emri i Osmanit konsiderohet si një figurë me peshë institucionale dhe me potencial për të marrë mbështetje edhe përtej vijave partiake.
Ky zhvillim vjen në një kohë kur çështja e presidentit mbetet ndër temat më të ndjeshme politike në vend, ndërsa partitë janë në kërkim të një zgjidhjeje që do të shmangte thellimin e krizës institucionale. Në këtë kontekst, rikthimi i mundshëm i Osmanit në një formulë të re politike shihet nga disa si një opsion kompromisi.
Megjithatë, deri më tani nuk ka konfirmim zyrtar nga LDK për një vendim të tillë. Madje, deklaratat publike të zyrtarëve të kësaj partie kanë qenë të rezervuara, duke theksuar se nuk ka pasur ende diskutime konkrete për emra të caktuar, edhe pse dera mbetet e hapur për opsione të ndryshme .
Në anën tjetër, raportet mes LDK-së dhe Osmanit kanë kaluar nëpër faza të ndryshme, duke pasur parasysh se ajo dikur ishte pjesë e kësaj partie, por më pas u largua për shkak të mospajtimeve të brendshme politike. Vjosa Osmani aktualisht ushtron funksionin e presidentes që nga viti 2021, pasi u zgjodh nga Kuvendi i Kosovës në një proces që erdhi pas zhvillimeve të rëndësishme politike në vend .
Sipas analistëve politikë, një lëvizje e tillë nga LDK mund të ketë dy qëllime kryesore: rikthimin e ndikimit të saj në proceset kyçe shtetërore dhe krijimin e një ure bashkëpunimi me faktorë të tjerë politikë në vend. Nëse kjo nismë konkretizohet, pritet që të hapë diskutime të reja dhe negociata intensive ndërmjet partive parlamentare.
Madje për këtë foli edhe gazetari Baton Haxhiu.
Lumir Abdixhiku i thotë dy gjëra, që presidentja nuk e ka shkelë Kushtetutën. Dhe e dyta është që jemi të gatshëm të kontribuojmë, dëshiron ta gjejë një kompromis me PDK-në dhe ta propozojë Vjosa Osmanin që VV pastaj ta refuzojë”,
