Në kuadër të aktiviteteve për nder të Epopesë së lavdishme të Ushtrisë Çlirimtare të Kosovës por edhe të festës së 8 Marsit, është paraparë të mbahet shfaqja “Prej gurit ishin kanë” me autor dhe regjisor Heset Maliqi – Quza.
Ky i fundit ka treguar për RTK-në se kjo shfaqje i dedikohet grave që janë bërë nëna në moshë shumë të re, e që sipas tij, kanë jetuar me të panjohurën dhe që ishin të respektuara vetëm nga fëmijët e vet.
“Shfaqja fillon më një vajzë të re 14-vjeçe të cilës vijnë që t’ia kërkojnë dorën, ndërkohë ajo as që e ka idenë se për çka janë mbledhur ata burra. Kështu fillon dhe jemi munduar që gjatë shfaqjes ta përshkruajmë komplet jetën e saj deri tek vdekja”, tha regjisori i shfaqjes, Heset Maliqi – Quza.
Kjo shfaqje do ta ketë premierën sonte në teatrin ‘Adriana’ në Ferizaj, në orën 20:00.
