Presidentja e Kosovës, Vjosa Osmani, është përballur sot me një situatë të pazakontë në aeroportin e Shkupit. Gjersa Osmani po bëhej gati për një udhëtim jashtë vendi nga aeroporti i Shkupit, sigurimi i aeroportit në fjalë ka tentuar të hap valixhen e presidentes. Një gjë të tillë s’e ka toleruar Osmani.
Deputetja Jeta Statovci i ka dalë në mbrotje të parës së vendit, Vjosa Osmanit, e cila përmes një statusi në rrjetin social në Facebook ka thënë se trajtimi jodinjitoz i Osmanit është në kundërshtim me Konventën e Vjenës dhe është i papranushëm.
‘’Trajtimi jo dinjitoz ndaj Presidentes së Kosovës, Zonjës Vjosa Osmani, nga një zyrtar tendencioz maqedonas dhe me mendësi të së kaluarës, në kundërshtim total me Konventën e Vjenës, është i papranueshëm’’, ka shkruar Statovci.
Më tutje Statovci ka thënë se raportet e Kosovës me Maqedoninë kanë qenë përherë konstruktive dhe evropiane,dhe se sjellje të tilla nuk i takojnë mendësisë demokratike dhe rregullave ndërkombëtare midis shteteve të pavarura.
