Sekretari i NATO-s, Jens Stoltenberg, ka deklaruar se është e rëndësishme të ketë pasoja pas sulmit të 24 shtatorit në Banjskë të Zveçanit.
Stoltenberg tha se do ta ngrisë këtë çështjee në takimin e nesër në Serbi, derisa theksoi se pret që ata që janë përgjegjës për dhunën në Banjskë të kenë pasoja.
“Sigurisht NATO nuk është institucion i zbatimit të ligjit, për këtë arsye është Policia e Kosovës dhe EULEX-i. Do t’i ngriti këto çështje në takimin e nesërm në Serbi, dhe pres që ata që janë përgjegjës për këtë dhunë të mbahen përgjegjës, ky ka qenë mesazh i NATO-s, nga maji dhe është përsëritur dhe pas dhunës në shtator. Është e rëndësishme të ketë pasoja, të bëjmë çka është e mundur që kjo lloj dhune nuk do të përsëritet edhe njëherë”, ka deklaruar Stoltenberg.
I pyetur se çfarë po bënë KFOR- i për ta parandaluar një tjetës sulm si ai në Banjskë, Stoltenberg tha se “dhuna që kemi parë në maj dhe shtator në Banjskë është e papranushme dhe për këtë kemi rritur numrin e forcave dhe kjo tregon se seriozie është kjo.
Derisa tha se propozimi i fundit për themelimin e Asociacionit do të ishtë hap i rëndësishëm për normalizim të marrëdhënieve mes Kosovës dhe Serbisë.
“Do të bëjmë atë çfarë është e nevojshme për të siguruar lëvizje të lirë. Çdo vendosje e forcave te Policisë së Kosovës ne veri duhet të marrë konfirmimin e NATO-s . Ne mbeshtesimin dialogun ndërmjet palëve dhe mirëpresim propozimet e fundit për themelimin e Asociacionit, ky do të ishte një hap kyq për normalizim të marrëdhënieve dhe paqes në rajon”, shtoi ai
