Studentët kanë paralajmëruar një protestë të madhe që do të mbahet të hënën më 24 mars në Beograd. Ata nuk kanë publikuar detaje për protestën, kanë thënë vetëm se këtë herë protestat do të mbahen “për Shtabin e Përgjithshëm”.
Protestat janë të drejtuara kundër ndërtimit të paralajmëruar të një kompleksi luksoz nga Jared Kushner, dhëndri i presidentit amerikan Donald Trump, në qendër të Beogradit, ku ndodhet kompleksi i Shtabit të Përgjithshëm, pjesë e të cilit u shkatërruan në bombardimet e NATO-s në vitin 1999.
Qeveria e udhëhequr nga presidenti i Partisë Progresive Serbe (SNS) Millosh Vuçeviq ka hequr statusin e pronës kulturore për ndërtesat e ish-selisë së APJ-së dhe Ministrisë së Mbrojtjes, të cilat ndahen nga selia e pushtetit ekzekutiv serb nga rruga Kneza Milosha.
Plani është që të ndërtohet një hotel luksoz me hapësirë biznesi dhe më shumë se 1500 apartamente në qendër të Beogradit, me dy rrokaqiej në mes.
Përveç kësaj, studentët e Fakultetit të Shkencave Politike (FPN) në bllokadë kanë postuar vendndodhjen e televizionit Informer në Instagram dhe kanë thënë: “Bëhuni gati”.
