Ministri në detyrë i Punëve të Brendshme, Xhelal Sveçla, ka reaguar pas sulmit terrorist ndaj objektit të Postës së Kosovës në Zveçan, tek sa ka thënë se shteti do të vazhdojë të veprojë me vendosmëri për të siguruar që të gjithë qytetarët të jetojnë në një mjedis të sigurt.
“Shteti do të vazhdojë të veprojë me vendosmëri për të siguruar që të gjithë qytetarët, pa dallim, të jetojnë në një mjedis të sigurt dhe të lirë”, ka shkruar Sveçla në Facebook,
Ai njëherësh në postimin e tij në Facebook, ka publikuar edhe deklaratën e kryeministrit në detyrë, Albin Kurti, i cili ka dënuar sulmin terrorist ndaj objektit të Postës së Kosovës në Zveçan, teksa ka thënë se liria e figurave si Millan Radoiçiq po shfrytëzohet për qëllime shoviniste.
