Policia e Kosovës bën të ditur se në Podujevë janë arrestuar dy persona, pasi dyshohet se të njëjtit kanë shtënë me armë zjarri në drejtim të një presoni të tretë.
Bëhet e ditur se në vendin e ngjarjes kanë dalë njësitet përkatëse policore, kanë konfiskuar armën e zjarrit që është përdorur në rast AK-47, me një karikator dhe 9 fishekë.
“VRASJE NË TENTATIVË – Fsh. Potok, Podujevë 04.07.2024-17:42. Janë arrestuar dy të dyshuar meshkuj kosovarë, pasi që të njëjtit kanë shtënë me armë zjarri në drejtim të viktimës mashkull kosovar. Si pasojë, i njëjti ka pësuar lëndime trupore dhe është dërguar për tretman mjekësor në QKUK. Në vendin e ngjarjes kanë dalë njësitet përkatëse policore, kanë konfiskuar armën e zjarrit që është përdorur në rast AK-47 me një karikator dhe 9 fishekë. Lidhur me rastin është njoftuar prokurori, ndërsa të dyshuarit me vendim të prokurorit janë dërguar në mbajtje”, thuhet në raportin 24 orësh të Policisë së Kosovës..
