Presidentja e Komisionit Ursula von der Leyen ka shprehur mbështetjen e Bashkimit Europian pas tërmetit të fortë që tronditi Myanmarin.
“Ne jemi të gatshëm të ofrojmë më shumë mbështetje.” “Ne qëndrojmë me ju në solidaritet të plotë”, shprehet Von Der Leyen.
Numri i viktimave nga tërmeti i fortë që goditi këtë të premte Myanmarin është në rritje.
Mediat e huaja raportojnë se ka shkuar në 20 numri i personave që kanë humbur jetën, shkruan abcnews.al. Ndërkohë ekspertët shprehin shqetësimin se në orët në vijim numri i viktimave mund të jetë edhe më i lartë.
Tërmeti me magnitudë 7.7 ballë, ka shkaktuar dëme të madha, ndërsa theksohet se qindra persona janë bllokuar në rrënoja.
