Tony Blair e ka paralajmëruar kryeministrin e ri britanik Keir Starmerin që të “mbyllë rrugët” e së djathtës populiste duke mbajtur kontrolle të ashpra mbi emigracionin.
Ish-kryeministri tha se qeveria e re duhet t’i ketë parasysh parti të tilla si Reforma e Nigel Farage dhe të merret me ankesat e njerëzve derisa vazhdon përpjekjet për të mbajtur të bashkuar koalicionin elektoral të Laburistëve.
Megjithatë, ai tha duhet të theksohet për të mirat që emigracioni i ka bërë vendit, duke shtuar se qasja “e çmendur” e Partisë Konservatore ndaj kësaj çështje kishte dëmtuar ekonominë, shkruan The Guardian.
Në intervistën e tij të parë që kur laburistët fituan pushtetin javën e kaluar, Blair i kërkoi gjithashtu Starmerit të “të jetë realist” se sa e vështirë mund të ishte arritja e objektivave të tij klimatike dhe ai parashikoi se Mbretëria e Bashkuar përfundimisht do t’i bashkohej një “grupimi rajonal” me fqinjët europianë për të konkurruar në skenën botërore, shkruan oranews.al.Instituti Tony Blair do të mbajë konferencën e tij “Future of Britain” në Londër të martën, në të cilën Blair do të argumentojë gjithashtu se miratimi i inteligjencës artificiale në sektorin publik mund të realizojë 12 miliardë paund kursime në vit deri në fund të këtij mandati.
