Por trajneri i Dortmundit, Nuri Shahin nuk e sheh kështu sfidën. Ai ka të tjera shqetësime, si të neutralizojë sulmin e pamëshirshëm të Barcelonës.
Duke folur për takimin, Shahin ka saktësuar se nuk sheh favoritë në këtë përballje.
“Nuk mendoj se ka diferenca mes nesh dhe Barcelonës, luajmë pak a shumë në të njëjtin nivel. Unë jam i bindur se kemi mundësi ta fitojmë këtë përballje”, deklaroi Shahin.
Më tej ai u ndal te yjet e Barçës dhe natyrisht te Levandovski.
“Problemi qëndron te fakti se duhet të shqetësohemi për Barcelonën si skuadër, jo për individët e saj. Nuk janë vetëm Levandovski, Jamal, Rafinja apo De Jong lojtari im i preferuar. Është e vërtetë se Leva gëzon një formë të shkëlqyer, por unë e di se si mund ta ndalim. Jam i kënaqur që kthehet në Dortmund dhe shpresoj ta mund”, deklaroi Nuri Shahin.
