Gjatë ceremonisë së shortit të Kupës së Botës, presidenti amerikan Donald Trump u nderua me një medalje të veçantë, të cilën e vendosi menjëherë sapo ia dorëzuan. Gianni Infantino, kreu i FIFA-s, ia dha atij Çmimin e Paqes, një vlerësim që ky institucion ua akordon figurave që promovojnë paqe dhe bashkim në botë.
Infantino theksoi se ky çmim ka për qëllim të nderojë individët që përpiqen të sjellin shpresë në një periudhë të mbushur me konflikte dhe tragjedi. Ai shtoi se imazhet e luftës që shihen çdo ditë prekin këdo dhe se humbjet e jetëve të pafajshme janë një thirrje për më shumë unitet dhe humanitet.
Sipas tij, mesazhi që synohet të transmetohet përmes këtij vlerësimi është se sporti, dhe veçanërisht futbolli, mund të shërbejë si një urë që afron njerëzit dhe i rikthen shpresën në momente të vështira.
