Ish-presidenti i SHBA-së, Trump, duke mbrojtur liderin e Koresë së Veriut, Kim Jong-un pas testeve të fundit raketore, vuri në dukje se kishte të drejtë që ndihej i kërcënuar nga stërvitjet ushtarake amerikane në Korenë e Jugut, transmeton Kosova Post.
Ish-presidenti amerikan Donald Trump ka komentuar përshkallëzimin e tensioneve në detin jugor të Kinës dhe testet e raketave të Koresë së Veriut.
Duke ndarë në platformën e tij të mediave sociale, Truth Social, Trump deklaroi se kishte një marrëdhënie të ngushtë me liderin e Koresë së Veriut Kim Jong-un gjatë kohës që ai ishte në detyrë.
“Udhëheqësi i Koresë së Veriut, Kim, të cilin e njihja dhe rashë shumë mirë me të gjatë viteve të mia si President, nuk është i kënaqur që Shtetet e Bashkuara dhe Koreja e Jugut së bashku kryejnë stërvitje të mëdha ajrore”, tha Trump .
“Koreja e Jugut na paguan shumë pak për këto ushtrime të shtrenjta”
Duke vënë në dukje se Pheniani ka të drejtë që ndihet i kërcënuar, Trump tha: “Ai ndihet i kërcënuar. Koreja e Jugut na paguan shumë pak për të bërë këto ushtrime jashtëzakonisht të shtrenjta dhe provokuese. Është me të vërtetë qesharake.”
