Presidentja e Komisionit Evropian, Ursula von der Leyen do të vizitojë sot Ankaranë – për të diskutuar zhvillimet e fundit në Siri – me presidentin turk Recep Tayyip Erdogan.
“Bisedimet do të fokusohen në unitetin kombëtar të Sirisë dhe mbrojtjen e pakicave pas rënies së ish-presidentit Bashar al-Assad”, shkroi Von der Leyen në platformën e medias sociale X.
Presidentja e Komisionit dhe Erdogan, gjithashtu të diskutojnë dërgimin e ndihmave humanitare.
Javën e kaluar, BE njoftoi planet për të dërguar pothuajse 100 tonë furnizime shëndetësore dhe sende të tjera thelbësore në Turqi, për shpërndarje të mëtejshme në Siri – të siguruara nga agjencitë e ndihmës së Kombeve të Bashkuara.
BE-ja dhe Turqia kanë pritur komunitete të mëdha refugjatësh – ku mbi 1 milion sirianë kanë marrë mbrojtje ndërkombëtare në bllok – dhe rreth 3 milion refugjatë sirianë jetojnë në Turqi.
Kryediplomatja e BE-së Kaja Kallas njoftoi dje se një i dërguar special është caktuar në Damask për të kontaktuar me udhëheqjen e re siriane. Sipas burimeve, do të jetë diplomati gjerman me përvojë Michael Ohnmacht.
HTS është në listën e terrorizmit të OKB-së dhe i nënshtrohet sanksioneve të BE-së. Kallas tha se koha do të tregojë nëse kjo duhet ndryshuar. atsh.
