Ka shumë ditë që protestat po vazhdojnë në Serbi. Opozita e studentët janë ngritur në këmbë për të kërkuar drejtësi rreth tragjedisë që ndodhi para pak javësh në Novi Sad, kur një tendë e stacionit hekurudhor ra dhe la të vdekur 15 persona.
Kurse presidenti i Serbisë, Aleksandar Vuçiq, në disa nga fjalimet e tij, me krenari ka deklaruar se ka dalë para studentëve të mbledhur së fundmi te ‘kurora e Andriqit’ dhe se në atë moment ata kanë heshtur.
Tani në rrjetet sociale është shfaqur një video ku shihet pamja e Vuçiqit në një fraksion sekonde. Dikush sapo hodhi sytë nga pas perdes nga dhoma e presidencës e cila ishte në errësirë të plotë.
https://x.com/FermanTwitt/status/1868240450060235158
Qytetarët bëjnë shaka në rrjetet sociale. Disa shkruajnë se “vogëlushja vërtet u shfaq, por pas perdes: çfarë do të bëjë, i erdhi turp”. Ky është aludimi për faktin se studentët në atë mbrëmje i kanë kënduar Vuçiqit “Dil vogëlush”. “Një hero nga errësira” është një tjetër koment, transmeton vijesti.ba.
Të tjerë thonë se Vuçiq është në të vërtetë aq i shpejtë sa ka bërë gjithçka në një fraksion sekonde. Ata thonë gjithashtu se ky presion i studentëve është një recetë për largimin e qeverisë së zhytur në korrupsion të rrezishëm dhe se kjo është rruga për një të ardhme më të mirë.G.E.
