Universiteti i Prishtinës ka hapur konkursin plotësues për regjistrimin e studentëve në nivelet bachelor dhe master për vitin akademik 2025/26.
Sipas njoftimit zyrtar, në këtë afat shtesë do të pranohen 745 studentë të rregullt në nivelin bachelor. Nga ky numër, 12% i takojnë komuniteteve joshumicë, 2% kandidatëve nga Shqipëria, Maqedonia e Veriut dhe trevat shqiptare në Preshevë, Bujanoc e Medvegjë, si dhe 1% kandidatëve nga Mali i Zi.
Afatet e aplikimit:
Bachelor: nga 30 shtatori deri më 2 tetor 2025, ora 16:00, përmes platformës apliko.uni-pr.edu.
Master: nga 30 shtatori deri më 7 tetor 2025, ora 14:00, po në të njëjtën platformë.
Universiteti ka bërë të ditur se detajet për vendet e lira dhe programet e ofruara janë të publikuara në konkurset përkatëse të niveleve bachelor e master.
UP-ja, si institucioni më i vjetër dhe më i madh i arsimit të lartë në Kosovë, thekson se programet e tij janë të dizajnuara për të përgatitur studentët me njohuri dhe aftësi praktike, në mënyrë që të jenë konkurrues në tregun e punës.
