KFOR, misioni i NATO-s në Kosovë, ka bërë të ditur se ushtarët e tij e kanë kryer edhe një stërvitje.
“Batalioni Rezervë Taktik i KFOR-it, zhvillon rregullisht aktivitete stërvitore të “fobisë nga zjarri” në kampin në Novosellë për të ruajtur gatishmërinë e lartë operacionale”, thuhet në njoftim.
Ndër tjera, shtohet se të gjitha këto aktivitete KFOR-i është duke i bërë për të përmbushur të gjitha detyrimet që i takojnë me mandatin që ka.
