Po vazhdojnë protestat nëpër Serbi. Sot studentët e Fakultetit Juridik atje kanë njoftuar për disa bllokada e Autokomandës, një prej qendrave më të mëdha të trafikut në Beograd.
Sipas njoftimit te tyre kjo bllokadë nis sot në orën 10:00 dhe do të zgjasë 24 orë.
Në faqen Ligjore në Bllokadë në rrjetin social X, ata ftuan qytetarët t’i bashkohen dhe deklaruan se turnet do të ndërrohen çdo katër orë.
“Do të kemi tenda dhe ngrohës, si dhe disa aktivitete si çaj me nxënës, minifutbolli, turne shahu e shumë të tjera”, thuhet në njoftim.
Ata deklaruan se organizimi i bllokadës synohej si një protestë paqësore që dërgon një mesazh të qartë, “por nuk duhet të çojë në incidente apo rreziqe të panevojshme”.
Sipas njoftimeve, në orën 11:52 do të mbahet 15 minuta heshtje për të nderuar viktimat e shembjes së tendës së stacionit hekurudhor të Novi Sadit më 1 nëntor 2024.
Në orën 20:00 do të organizohet një lexim i kërkesave të studentëve, duke përfshirë përcaktimin e përgjegjësisë për aksidentin dhe ndjekjen penale të të gjithë atyre që sulmuan studentët gjatë tubimeve të mëparshme.
Ministri i Brendshëm Ivica Daçiq njoftoi të dielën në mbrëmje se policia do të ridrejtojë trafikun në Autokomanda.g.e.
